面對學校停課，機構前後就中心的運作頒布了三個不同的指引，以致，中心行政一度陷入史無前例的混亂，身為大機構的員工，面對這樣的行政混亂，沒有感到意外，畢竟，在科層制度下，我相信各大機構的員工，也會遭遇與我同一命運。

忙碌了整個上午，最後，當的知道所做的一切，是白幹的時候，人可能會出現很多負面情緒，例如，同事們氣得飯也吃不落，還說了幾句粗話，以發洩內心的慎怒。同樣，我也是氣得飯也吃不落。不過，我氣的既不是發覺自己所做的白幹，又不是不滿下午須要執拾「白幹」所帶來的爛攤子。相反，在這混亂的一日，讓我清清楚楚讓我看清楚老闆的為人，那麼，我開始氣自己，氣自己為什麼要輔助這樣貪心怕死的人。

「我唔打啦，要打就留返佢自己打，我地咁搏為乜姐，有事發生，係佢心目中，就是以哄掂家長行之，第二，就係良景同事，我地係排第三，亦都係包尾，咁我地咁辛苦為乜姐，我地抖一份人工，要做埋良景同事既野都不在話下，依家仲要下下幫人地執手尾，但老闆從來有冇關心過我地喔，我唔係小朋友，唔需要佢呵護，錫，但人與人之間相處，最起碼識得尊重喔，佢千祈唔好同人講佢係一個社工添，如果唔係，我也會因為自己係社工而感到羞呀!」最激動的一刻，我竟然毫不掩飾情況之下，向同事說了一番心底話，我不知道這樣做，對錯與否，但是，這番說話，卻完全反映自己當時的感受。

惡劣的工作環境，只要有小朋友的存在，總會找到點快樂及安慰。

「我書包有塊餅，唔知係幾時食喎，我想打比媽咪」

「唔洗打啦，媽咪話請我食」

「唔係」

「係呀」

「唔係」

「你唔信，咁你打比媽咪，等我問下媽咪咯」

隔了約十五分鐘

「我打左比媽咪啦，媽咪話幾時都可以食」

「唔係話請我食咩?」

「佢淨話幾時食都得，咁我依家食啦」

「食啦..食啦」

「同你一人一半」

「我食左你一半，我驚你唔飽」

「飽架啦，頭先食左茶點，我驚你肚餓」

「(心想，你頑皮既時候，又唔見你驚我會激死，嗯....首先，我要多謝你既關心先，第二，多謝你願意同我分享你既野」

「唔洗客氣」

小朋友，思想比較簡單，他們只會願意與喜愛的人分享，換句話說，他們願意與你分享，間接表示喜歡你。

回想起每次與老闆發生衝突，小朋友的回應，總讓我重新振作起來，那就正正是我喜歡小朋友工作的原因。